يابنــــــــــــــــــــت

قصيدة يـــابـــــنت
للشاعر خالد عتيق العتيبي



يابنت ياللي نظرتك تسحر الناس
انا دخيـل اعيونـك الساحراتـي

اعيونك الخجلا على النوم نعـاس
تسرق قلوب اهل الهوى بالحلاتي

ياعين شيهانه على رجم واطعاس
صويبها لازم يشـوف الوفاتـي

يابو خدودٍ بيض ياعدم الاجنـاس
بيـض الثنايـا لايقـه بالشفاتـي
القلب من حبك ترى جاه وسواس
جاته همومـه ماهنـاه المباتـي

سهر طوال الليل والقلب حساس
ان ماهتنا يابنت راحـت حياتـي

خطرٍ عليه يصير عباس فرنـاس
يرمي بروحي من على النايفاتـي

اما يفوز وياخذ الـدرع والكـاس
والايصير العمر بعـدك شتاتـي

يصبح خبرنا شايع الذكر في واس
هذا صحيح العلـم علـمٍ ثباتـي
[i]

بسم الله الرحمن الرحيم
والصلاة والسلام على الهادي الامين.
الشكر كله على النقل المميز والاختيار الموفق فلك منا جميعا الشكر
والشكر بعباراته الجميلة موصول الى الشعار خالد العتيبي .
اخوك
أ/ابو مراد