من روائع الشبكة

موضوع: من روائع الشبكة 2008-04-18, 21:00

غابت ثمان سنيـن حـلٍ وترحـال
غابـت ثمـانٍ كلـهـا مدلهـمـه
قضيتها بالحـب والشـوق رحـال
بحـبٍ تحـدى كـل ياسـه وهمـه
سألت عنها سنين وشهـور وليـال
ولا فيه فـجٍ غيـر وجهـت يمـه
وعقب الثمان اللي تعبها برى الحال
جاب الزمـان الكارثـه والمطمـه
جاني ولدها يبتسـم بيـن الاطفـال
ومن بسمته ذكرت انا بسمـة امـه
شفته وصاحت داخلي كـل الآمـال
بصوتٍ عجزت بكتم الأنفاس المـه
وركضت له ودمعي على الخد همال
ومن كثر شوقي قمت بالحيل أظمـه
ولحظة حظنته والطفل في يدي مال
شميت ريحتها على أطـراف كمـه
وأستلهمت نفسي مقاديـر الأهـوال
وتم الضيـاع واكـدت لـي متمـه
واليوم بنت الناس في بيـت رجـال
وحبٍ على غير الشرف لي مذمـه
ليت الغياب اللي شغل غربتي طـال
ولا دور العاشق على حـرق دمـه
مجبور أعود واشتكي كل الأميـال
بنفـسٍ حزينـه كآئبـه مستهـمـه
يرجع غريب مكسنـه بـر ورمـال
يمـوت يحيـا ينـدفـن مايهـمـه

» من روائع الشاعر الكبير سعد بن جدلان
» من روائع الامام الشافعي رحمه الله