قصيدة مشهورة ولكن نريد ان نختبر معلوماتكم فمن هو قائل هذه القصيدة ؟؟

يقـول مـن عـدا علـى راس عـالـي**رجـم طويـل يدهلـه كــل قـرنـاس

فـي راس مرجـوم عسيـر المنـالـي**تلعب بـه الاريـاح مـع كـل نسنـاس

فـي مهمـة قفـر مـن النـاس خالـي**يشتاق له مـن حـس بالقلـب هوجـاس

قعـدت فـي راسـه وحـيـد لحـالـي**بـراس الطويـل ملابقـه تقـل حـراس

متذكـر فـي مرقـبـي وش جرالـي**وضفقـت بالكفيـن يـاس علـى يـاس

اخــذت اعــد ايامـهـا والليـالـي**دنيـا تقلـب مـا عرفنـا لهـا قـيـاس

كـم فرقـت مـا بيـن غالـي وغالـي**لوشفـت منهـا ربـح ترجـع للافـلاس

يقطعـك دنيـا مـا لـهـا اول وتـالـي**لو اضحكت للغبـن تقـرع بالاجـراس

المستريـح اللـي مـن العقـل خـالـي**مـا هـو بلجـات الهواجيـس عطـاس

ماهـوب مثلـي مشكـلاتـه جـلالـي**ازريـت اسجلهـن بحبـر وقـرطـاس

حملـي ثقـيـل وشايـلـة باحتمـالـي**واصبر على مر الليالي والليالي والاتعاس

وارسـي كمـا ترسـي رواس الجبالـي**ولا يشتكـي ضلـع عليـه الـقـدم داس

يابجـاد شـب الـنـار وادن الـدلالـي**واحمس لنا يابجـاد مـا يقعـد الـراس

ودقـه بنـجـر ياظـريـف العيـالـي**يجذب لنا ربـع علـى اكـوار جـلاس

وزلـه الـى منـه رقـد كـل سـالـي**وخلـه يفـوح وقنـن الهيـل بقـيـاس

وصبـه ومــده ياكـريـم السبـالـي**يبعـد همومـي يـوم اشمـه بالانفـاس

فنجـال يغـدي مـا تـصـور ببـالـي**وروابع تضرب بها اخمـاس واسـداس

لاخـاب ظـنـي بالرفـيـق المـوالـي**مالـي مشاريـه علـى نايـد الـنـاس

لعـل قصـر مــا يجيـلـه ظـلالـي**ينهـد مـن عــال مبانـيـه للـسـاس

لاصـار مـا هـو مدهـل للرجـالـي**وملجا لمن هو يشكـي الضيـم والبـاس

بحسنـاك يامنشـي حقـوق الخيـالـي**ياخالـق اجنـاس ويامغـنـي اجـنـاس

تجعـل مقـره دارس العـهـد بـالـي**صحصـاح دوِّ دارس مـابـه اونــاس

البـوم فـي تـالـي هـدامـه يـلالـي**جزاك ياقصـر الخنـا وكـر الادنـاس

مـتـى تـربـع دارنــا والمـغـالـي**وتخضر فياض عقب مـا هيـب يبـاس

نشـوف فيـهـا الديـدحـان متـوالـي**مثل الرعاف بخصـر مدقـوق الالعـاس

وينثـر علـى البيـدا سـوات الزوالـي**يشرق حمـاره شرقـة الصبـغ بالكـاس

وتكبـر دفـوف معبسـات الشمـالي****ويبني عليهـن الشحـم مثـل الاطعـاس

بسم الله الرحمن الرحيم
والصلاة السلام على الهادي الامين.
نقل مميز وقصيدة الجحف في حقها نعتها بانها رائعة .
جميلة مميزة متناسقة تعرضت لجميع ظروف الحياة.
نقلك مميز كميزة نواضيعك.
موفق ما نقلك وجميل ما قرأنا .
اخوك
أ/ابو مراد

القائل الشاعر بديوي اوقداني.

لا يابو مراد ماهو بديوي الوقداني حاول مرة ثاني في انتظارك

بسم الله الرحمن الرحيم
والصلاة والسلام على الهادي الامين .
اظن من هؤلاء الشعراء.
الامير خالد الفيصل.
الامير بدر بن عبد المحسن
اخوك
أ/ابو مراد

ليتني استطيع مجاملتك ماودي اردك هذه المرة ولكن ليس منهم
اتمنى من الجميع المشاركة دون الرجوع لقوقل وشكراً ابو مراد على التفاعل

بسم الله الرحمن الرحيم
والصلاة والسلام على الهادي الامين.
هذة القصيدة مغناه للفنان محمد عبده.
لكن والله ضيعت الشاعر لكن انتظرني.
اخوك
أ/ابو مراد

تفاعلك يكفي يا بو مراد

بسم الله الرحمن الرحيم
والصلاة والسلام على الهادي الامين.
اما ان الاون ان تضع الحل .
اخوك
أ/ابو مراد

الامير محمد الاحمد السديري

وفقكم الله

» قصيدة للشاعر سعيد بن طلاحة............. ( نادرة)
» قصيدة في قبيلة الثبته
» قصيدة مريس *******************( لعاشق المرقاب)
» قصيدة مبكيه تقشعر لها الابدان
» قصيدة ((ابكيتني)) للفنان خالد عبدالرحمن