محاورة شعرية بين ابوريان و ابن جازي

هذه محاورة شعرية جرت بيني وبين عادل بن جازي حول المنتدى رغبت ان اعرضها عليكم

ابوريان

سلام ياذيب ٍبـــــــــــــدا فالريع ****** لو كان حس اعواه ماوحيته

فالســـــــوق ليتك تشتري وتبيع ****** يومن كـــــــــل ٍ يبتني بيته

ابن جازي

الذيب يرقب واحــــــــد ٍفزيــــع ****** بين الجماعة ذايع ٍ صيتـــه

انا احمــــــــــد الله مبدع ٍ تبديع ***** والسوق ينعش كـــان طبيته

ابوريان

السوق فيه اســـــم الشجيع ايذيع ***** ازهم علاه اليـــــــا تباطيته

ولا الغشيم اليا بغــــــــاه ايضيع **** كم واحـــــد ٍ فالدرب ناديته

ابن جازي

ياللي ملمــــــــــع موترك تلميع **** احــــــــــذر يخبط كان تليته

ثم سيرته بين الرجـــــــال اتشيع **** يقلون خبـــــــــط ونتثر زيته

ابوريان

حصن ٍ بنيته للعـــــــــــدو ترويع *** ولا خويي مـــــــــــاتحزويته

ان كان ما تقـــــدر على التشجيع *** لا عـــــــــــاد يوم ٍفيه مريته

ابن جازي

سهله بسيطه كلمـــــــــــة التقليع *** والضرس تشهق كـــان جريته

والله ماني قاصـــــــــــد التفجيع *** ولغارك انت العلم مـــــابديته

ابوريان

السوق فيه البيـــــــــع بالتقنيع **** واللي يخاف المـــوت ماحييته

ياما نصــــحتك مارضيت اتطيع **** اليا بديت افـــــــــــعلم سديته

وتقبلوا فائق تقديري واحترامي

بسم الله الرحمن الرحيم
والصلاة والسلام على الهادي الامين.
اولا:ـ نرحب بالعضو والاخ ابن جازي ونقول له .
اهلا وسهلا بك.
فقلد زاد منتدنا ضوءا .
وصدورنا فرحنا وسرورا .
ثانيا:ـ مشاء الله تبارك على هذة المحاورة وفقتكم وبوركتم.
نطمع في المزيد منكم من المزيد .
من محاورة وقصائد سبق لكم ان تكتبتوها .
اخوكم
أ/ابو مراد

مرورك وتفاعلك يابو مراد اسعدني وفقك الله