من يرد على هذه البيتين ؟

عادل بن عفين :

أنا برسل إرسالة على امن الطرق ذلحين **** أبنصحه وأقـــــــــول اللقافـــــة يخليهـــا

مـــا دام إن راع المرسدس سرعته ستين **** ومشيه عـــــدل قسيمتـــه ليش يبديهـــا

ابو ريان :

رسالتك يابن عفين ماتقضي إلك الدين **** وراع النصيحة قالها وش مــــــــعه فيها

ولكن راع الموتر ان كان مشيه زين **** اضن البلا فالحمله اللــــــــــــــــي موديها

عادل بن عفين :

حسبت الطبيب اللي بسماعة الأذنين **** فهيم وجــروح النـــــــــاس يقدر يـداويهـــا

لفيت فعيادتــه وطلبتــه دوى للعيــن **** وصرفلي مـــن الربشـــة دوى شين يعميها


ابوريان :

طبيبك بلش في علتك وانت حظك شين **** وعينك خلقها الله وهـــــــــو يعتني فيها

لقيت البلا ماهو في وحــــدة في الثنتين **** ولا ادري دروبك كـــــيف ياذيب تمشيها

عادل بن عفين :

نصيحة يابن سرحان لا يزعل ابن عفين **** تذكـر وتعـرف صــــاحبك وين راميها

قصور الرجــال اللي بنوها بلبن وطين **** على روسهم طـــــاحت عــوالي مبانيها

ابو ريان

شريت الذبيحــــــــة مير ماجيت بالسكين **** وضيفك تحــــرا وانت مزري تذكيهـــا

لكن الحصون امجودة ساســـــــها متين **** حصون الرجال اللـــي تنومس مباديها

عادل بن عفين :

عطيتك كتـــــاب الله ووصيتك بيــاسين **** وقلتلك يـــا فـــــــــــايز تدبر معـــــانيها

لكــن انت عجـلٍ وشعفتك الشيــــاطين **** ولاني بهــــــادي نــــــــاس مــالله بهاديها

ابوريان

رميت الهـــــــدف لكنك اخطيت فالتقنين **** ولو صبتها مـــــــــــاكان قلتلك مخطيها

ولا يا غشيم القلــب سقها على الوجهين **** نشبت افحصاة ٍ منت قادر تعـــــــــــديها

عادل بن عفين :

حجزت لجبل لبنان وانته حجزت الصين **** عــــــلومٍ عسى الله يــا صحيبي يسويها

انــــا خابـــرك تعرف جميـــــع القوانين **** لكــــن من كبرها إتقــول مدري وناسيها

ابوريان

سقا الله ديار مسنيه فـــــوق خمس سنين **** عسى الـــغيث من رب السماوات يسقيها

ويثمر شجــــرها اللي ذبحه الضما والبين **** واهــــــــــــلها مع الايام ماعذروا فيها

عادل بن عفين :

ديار السعد خضــراء وفيها العنب والتين **** وربـــي بسيلـــه يــــابن الأجــواد مرويها

واهلها ليا نــادى منادي الفجر صــاحين **** وكــلٍ علــــــى زرعتـــه بيديـــه يجنيهــا

ابوريان

تقوله وانا وياك يا صـــــــــــاحبي دارين **** عـن الغرسه اللي طالت وشاب راعيها

سرا لليل وانت تعيد مـــــــــــوالك الحزين **** تصلي صلاة ٍ مـــــــــاحسبنك تصليها


عادل بن عفين :

زمــــــان الفقر ولا وعندي مــــــــــــــلايين **** وبــــادي تجارة بإذن ربــــي لنميها

لكن انت مــــــا فــــي جيبك الا الريــــالين **** تلاوي بك الأيـــــــــام وانته تلاويها

ابوريان

ولا ياعميلي جبت هــــــــذي الفلوس امنين **** ملايين واثرك عـــــن رفيقك مخبيها

وانــــا ماني ابخابر معك غير شا تين **** واضنك الــــــيا سرحتها ماتضويهـــــــــــا


عادل بن عفين :

نسيت الذهب والماس جـــــوف الدكاكين **** ونسيت الجواهر بين بـــــايع وشاريها

وذلحين يوم انتم فالأيــــــــــــــــــام مزرين **** تحسدون نــاسٍ ربـــــي الله مغنيهـــا

ابوريان

انا وانت فـــــــــــــي نفس الطريق امتبارين **** لكــــن الجبال الشاهقه وش يعديها

وحجتك هــــــــــــــــــــــذي ماعلاها براهين **** ترانا نعـــــــــز اصحابنا ثم نغليها

عادل بن عفين :

انا في يدي يــــا صاحبي سيف ابو حدين **** اسله عــــلى روس الأوادم واوطيها

لكــــــن اقرب ابنصحك واذكرك بالــدين **** شؤون العـــرب وارزاقهم ليش تطريها

ابوريان

يدور الزمان وكل خـــافي تراه ايبين **** هروج الرخــــــــــــــــــا يازينها يوم تبديها

وانا اشوف خــــــله في جميع الموازين ****واقـــــــــــول الحقيقه وادري الناس توحيها

عادل بن عفين :

يدور الزمــــــــان وبيننا الوعد بعـــدين **** وتجيك العلوم إن رحت للقــــــوم غازيها

ولسانك وشبه يلوض مثل الثعــــــــابين **** ونفسك عـــلى ابن العم يــــاذيب مـــاليها


انتبه :

رد على البيتين هذه اولاً

ثم انتقل للمواضيع الجديدة هناك بيتين بطرق جديد

اتمنى ان تحضى بجل اهتمامك

وشكراً

.
القادم اجمل

.

القادم اجمل