الله عليك يافلاح القرقاح ( ياوجودي )

يا وجودي كل ما نسنس براد العصير= وجد من قفوا بذوده وهو مثناتها

اكنفوبه لين حن ورغا عقب الهدير= سربتٍ ما عاقها الله من نياتها

اثلبوه اخوان شما وهو سيفٍ شطير= وعصبته ما تنصر المنتخي فزعاتها

وسمهم لا ما اعترضله على ورك البعير= ما بقى له من عصا العز غير لحاتها

ما وراه الا يتيمٍ يقديله ضرير= مع فروعٍ لو ضوى الذيب طق بشاتها

ساقو اتلا ذود ابوها وهو للقوم اسير= لين وطيًِِِِِت جرة ابوانها واماتها

يلتفت لين انقطع دونها شوفه الاخير= اتحثى في وجهه الرمل بإدياتها

ويا وجودي وجد شالح على اخوه الصغير= عقب ما ضمت لحود القبور امواتها

مونسٍ له فالحشى فرجتٍ مثل النذير= كن الايام إكشفت له طرف غراتها

ووجد من نكد على امه ضحى العيد الكبير= غضب واغضبها ولا وفق لمرضاتها

ان تعذر دنقت واشقهت مثل الغرير= وان تركها يفطر الكبد طول اسكاتها

ووجد من بشر ورز العزا عقب البشير= جا الولد وامه سهوم المنيه جاتها

وشافها كن القمر في نحرها مستدير= بنتها الوسطى تلوى على عماتها

عقبها راحت حياته عبوسٍ قمطرير= باهته حتى فرحها مثل مأساتها

مرتينٍ تطلب الزود فاليوم القصير= ينثني فتلا مداهيل ذكرياتها

ان تهجا اللبس يالله عسى مقسوم خير= وان نظر في منظرتها ذكر نظراتها

ما يحقق حلم ليلٍ على جنحان طير= الا الله موجدٍ روح عالم ذاتها

أتوجد ويتوجد معي حي الضمير= لا تمعن حال الامه وشاف سواتها

مشكووووور عاشق المرقاب ونطمح بالمزيد

في ظل تأ لقــك بالمنتدى